हरिहर राजभण्डारी नेपाली गीत–संगीत, साहित्य तथा सांस्कृतिक क्षेत्रमा निरन्तर सक्रिय एक प्रतिभाशाली युवा गीतकार हुन्। बाल्यकालदेखि नै गीत–संगीतप्रति उनको विशेष रुचि थियो। विद्यालय तथा कलेज जीवनदेखि नै उनी गीत गाउने, संगीत सुन्ने र सांगीतिक कार्यक्रमहरूमा सहभागी हुने गर्थे। यही लगावले उनलाई गीत रचनातर्फ प्रेरित गर्‍यो।

उनका सिर्जनाहरू क्यासेट, सिडी, एल्बम तथा म्युजिक भिडियोका माध्यमबाट सार्वजनिक भएका छन्। उनका गीतहरूले जीवन, प्रेम, मानवीय भावना र सामाजिक यथार्थलाई सशक्त रूपमा अभिव्यक्त गरेका छन्। संगीत क्षेत्रमा पुर्‍याएको योगदानका लागि उनले विभिन्न संघ–संस्थाबाट सम्मान तथा पुरस्कार पनि प्राप्त गरेका छन्। नेपाली संगीतको विकासमा उनले पुर्‍याएको योगदान उल्लेखनीय मानिन्छ।

हरिहर राजभण्डारीका गीतहरूलाई नेपालका चर्चित संगीतकार र गायक–गायिकाहरूले स्वर दिएका छन्। उनका रचनाहरू एफएम रेडियो, विभिन्न सांगीतिक कार्यक्रम तथा डिजिटल प्लेटफर्ममार्फत निरन्तर प्रसारण हुँदै आएका छन्। भाषा, धर्म र संस्कृतिको संरक्षण तथा प्रवर्द्धन गर्ने उद्देश्यले उनले सिर्जना गरेका गीतहरूले नेपाली सांगीतिक क्षेत्रमा विशिष्ट पहिचान बनाएका छन्।

उनका गीतमा ओम विक्रम विष्ट, धु्रव श्रेष्ठ, सञ्जीव प्रधान, प्रवेशमान शाक्य, नलिना चित्रकारलगायतका चर्चित गायक–गायिकाहरूले स्वर दिएका छन्। निरन्तर सिर्जनशीलताका साथ नेपाली संगीतको श्रीवृद्धिमा योगदान पुर्‍याइरहेका हरिहर राजभण्डारीलाई एक समर्पित र सशक्त गीतकारका रूपमा चिनिन्छ।