काठमाडौं । विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको रवि लामिछानेले फेसबुक लाइभमा आएर सांकेतिक विरोध गरेका छन् । रविले बिजुलीको लाइट अफ गरेर मैनबत्ती बालेर लाइभमा आएका हुन् । लाइभमा आउँदा बत्ती निभाएर आफैंले मैनबत्ती सल्काएर सुरु गरेका छन् । एक मिनेट २२ सेकेन्डको लाइभमा सभापति लामिछानेले मुख भने खोलेका छैनन् । उनी लाइभमा आएर चुपचाप बसे । तर उनले लाइभको शीर्षकमा लेखेका छन् कसलाई राख्ने, कस्लाई हटाउने भन्ने अन्तिम निर्णय त जनताले लिन्छ्न् ।