काठमाडौं । नेपाल स्वयइसेवी रक्तदाता समाजले आफ्नो १४औं राष्ट्रिय स्वयंसेवी रक्तदाता दिवस राजधानीमा सम्पन्न गरेको छ । कार्यक्रमको उद्घाटन पूर्व प्रधानमन्त्री तथा नेकपा अध्यक्ष पुष्पकमल दाहाल प्रचण्डले गर्नुभएको थियो । राधजानीको बागबजारस्थित होटल हार्दिकमा सम्पन्न कार्यक्रममा ५ दर्जनभन्दा बढीले रक्तदाताले रक्तदान गर्नुभएको थियो । निःशुल्क दान गरिएको रगत परीक्षण र स्टोरेजका नाममा पीडितलाई बढी शुल्क लिएकोप्रति समाजले आपत्ति जनाएको थियो भने कार्यक्रमका प्रमुख अतिथि पुष्पकमल दाहालले यो समस्या समाधान गर्न आफूले पहल गर्ने बचनबद्धता व्यक्त गर्नुभएको थियो । कार्यक्रमको संयोजक नेपाल स्वयंसेवी रक्तदाता समाजका अध्यक्ष प्रेमसागर कर्माचार्य हुुनुहुन्थ्यो ।