काठमाडौँ । पार्टी विभाजन भइसक्दा पनि एकताको डम्फू बजाउन नछाडेका पार्टी उपाध्यक्ष वामदेव गौतमले आज एकता अभियानको बैठक बोलाएका छन् । नेकपा एमालेका उपाध्यक्ष बामदेव गौतमको नेतृत्वमा रहेको राष्ट्रिय एकता अभियानको बैठक आज बस्दैछ । बिहान ११ बजे बल्खुको सिद्धिगणेश पार्टी प्यालेसमा बोलाइएको बैठकमा नेकपा एमालेभित्र चुलिएको विवादबारे धारणा तय गर्ने एकता अभियानका सचिव बाबुराम थापाले बताए । अध्यक्ष केपी शर्मा ओलीले फागुन २८ मा आफू पक्षीय बैठक राखेर नेपाल–खनाल समूहका नेताहरुको जिम्मेवारी खोस्दै माओवादी केन्द्रबाट एमालेमा आएका २३ जना नेतालाई केन्द्रीय समितिमा मनोनीत गरेपछि विवाद चुलिएको छ ।