काठमाडौं । नेकपा एमाले का महासचिव शंकर पोखरेलले २१ फागुनमा हुने प्रतिनिधिसभाको निर्वाचनमा एमालेको प्रतिस्पर्धा नेपाली कांग्रेससँग हुने बताएका छन् । प्रेस चौतारी नेपालले शुक्रबार काठमाठौंमा आयोजना गरेको पत्रकार सम्मेलनमा बोल्दै महासचिव पोखरेलले यो निर्वाचनमा एमालेको मुख्य प्रतिस्पर्धा कांग्रेससँग हुने विश्लेषण सुनाएका हुन् । उनले राष्ट्रिय स्वतन्त्र पार्टी अहिले काठमाडौं उपत्यकामै प्रतिस्पर्धामा नरहेकोको पनि बताएका छन् । काठमाडौंमा राष्ट्रिय स्वतन्त्र पार्टी प्रतिस्पर्धामा नै छैन भन्ने विश्लेषण आइरहेको छ । रास्वपाको प्रभाव सहरी क्षेत्रको तुलनामा ग्रामीण क्षेत्रमा बढेको देखिन्छ, उनले भने, तर त्यो प्रभाव चुनाव जित्ने तहसम्मको होइन भन्ने आएको छ । त्यसैले एमालेसँग कांग्रेस नै प्रतिस्पर्धामा छ । महासचिव पोखरेलले नेपालमा भदौ २३ र २४ को जेनजी आन्दोलनपछि विदेशी कठपुतली सरकार निर्माण गरिएको बताएका छन् । उनले फागुन २१ गतेको निर्वाचनपछि नेपालमा जेलेन्स्की जन्माउन खोजिएको दाबी गरेका छन् । नेपालका छिमेकी भारत र चीनविरुद्धमा शक्ति राष्ट्रहरुले चलखेल गर्ने अखडाका रूपमा नेपाली भूमिको प्रयोग गर्न नदिने पनि विश्वास दिलाएका छन्।