काठमाडौं । शेयर बजारमा गिरावट जारी रहँदा कारोबार रकम पनि खुम्चिन थालेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ७.२९ प्रतिशतले घटेको हो । ०.३९ प्रतिशतले बजार घट्दा नेप्से परिसूचक १८५१.२३ अंकमा ओर्लिएको हो ।
आज २९३ कम्पनीका ३४ लाख १९ हजार ७३ कित्ता शेयर किनबेच हुँदा ९६ करोड ४० लाख १० हजार ४ सय ३१.२७ रुपियाँ बराबरको कारोबार भएको हो ।
समग्रमा बजार घटे पनि थ्रीस्टार हाइड्रो, सबैको लघुवित्त, इङ्वा हाइड्रो, माई खोला हाइड्रो र मोलुङ हाइड्रोका लगानीकर्ताहरुले क्रमशः ९.६३, ९.०४, ८.६०, ६.२८ र ५.६९ प्रतिशतले नाफा कमाएका छन् ।
त्यस्तै माउन्टेन इनर्जी, यूनाइटेड इदीमर्दी हाइड्रो, एनआरएन इन्फ्रास्ट्रक्चर, सिद्धार्थ इन्भेष्टमेन्ट ग्रोथ स्कीम २ र कुमारी इक्वीटी फण्डका लगानीकर्ताहरुले क्रमशः ९.९९, ९.९९, ९.९८, ६.३३ र ५.८९ प्रतिशतले घाटा व्यहोरेका छन् ।
आज सोनापुर मिनिरल्सको उच्च कारोबार भएको छ । उक्त कम्पनीको ६ करोड, ९५ लाख २९ हजार २ सय ७०.३० रुपियाँ बराबरको कारोबार भएको नेप्सेले जनाएको छ ।