काठमाडौं । संगीतकार तथा कार्यक्रम आयोजक सन्तोष राज सहनीलाई बेष्ट इभेन्ट अर्गनाइजेशन अफ द यर २०७९ सम्मान अर्पण गरिएको छ । चर्चित संगीतकार सन्तोष राज सहनी निकिला मिडिया नेटवर्क, पब्लिक सूचना तथा भवानी इन्टरटेनमेन्टको संयुक्त आयोजनामा काठमाडौंको होटेल हायात प्यालेसमा गीता एभिएसन ग्यालेक्सी एक्सिलेन्स अवार्डको दोस्रो संस्करणमा बेष्ट इभेन्ट अर्गनाइजेशन अफ द यर २०७९ सम्मान प्रदान गरिएको हो । चर्चित संगीतकार सन्तोष राज सहनीले मधेस प्रदेशमा दुई दर्जन भन्दा बढी साँस्कृतिक कार्यक्रम आयोजना गर्नुका साथै ४०० भन्दा बढी गीतमा संगीत भरेका छन् भने दर्जनौं नेपाली तथा भोजपुरी चलचित्र सार्वजनिक छन् । चलचित्र, मोडलिङ, शिक्षा, साहित्य, स्वास्थ्य, गैरसरकारी संस्था, सञ्चार, वातावरण, कला तथा संस्कृति, खेलकुदलगायत करिब डेढ दशकभन्दा लामो समयदेखि सक्रिय रहँदै आएका ३७ जना उत्कृष्ट व्यक्तित्वहरूलाई सो अवसरमा अवार्ड, सम्मान वितरण गरिएको थियो ।