काठमाडौं । प्रधानमन्त्रीको कदमकाविरुद्ध मैदानमा उत्रिएको नेकपा प्रचण्ड-माधव समूहले भोलि बिहीबार आम हड्ताल गर्ने घोषणा गरेको छ । संवैधानिक निकायहरुमा जबरजस्ती नियुक्ति गरिएको भन्दै प्रचण्ड माधव समूहले माघ २२ गतेका लागि आकस्मिक रुपमा आम हड्ताल घोषणा गरिएको हो । पूर्वनिर्धारित आन्दोलनको कार्यक्रम परिमार्जित गर्ने गर्दै अकस्मात भोलि आम हड्ताल गर्ने निर्णय गरेको हो । यसबाहेक थप संघर्षका कार्यक्रम घोषणा गर्ने तयारी भइरहेको संघर्ष समितिकी सहसंयोजक पम्फा भुसालले जानकारी दिएकी छिन् ।