काठमाडौं । नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले सर्वोच्च अदालतले संसद पुनर्स्थापना गर्न कानूनलाई तोड्न नसक्ने दाबी गरेका छन् ।

२० औं मजदुर बलिदान दिवस तथा अभिनन्दन कार्यक्रममा प्रचण्डले केही दिन भित्र फैसला आउने बताएका हुन् । संवैधानिक निकायहरुले संविधानको मर्म र भावना अनुसार काम गर्नेछन् भन्ने विश्वास हामीलाई छ । उनले अघि भने, अब कुनै पनि बेला संविधान मिच्ने, संविधान र संसदलाई विघटन गर्ने अलोकतान्त्रिक र असंवैधानिक कदम सच्चिन्छ । नेपाली जनतालाई संसद पुनर्स्थापना हुन्छ भन्ने पूरा विश्वास छ ।