काठमाडौं । सांग्रिला डेभलपमेन्ट बैंकको १८औं वार्षिक साधारण सभा चैत १७ गते हुने भएको छ ।
सञ्चालक समितिको हिजो दिउँसो बसेको बैठकले साधारण सभाको मिति तय गरेको सीईओ सुयोग श्रेष्ठले जनाएका छन् ।
साधारण सभाले आव २०७८,७९ को नाफाबाट हाल कायम चुक्ता पूँजीको ८.५३४ प्रतिशत बोनस शेयर र कर प्रयोजनका लागि ०.४४९ प्रतिशत नगद लाभांश पारित गर्नेछ ।
बैंकको हाल कायम चुक्ता पूँजी ३ अर्ब १ करोड ६ लाख ६९ हजार ६ सय ६२ रुपियाँ छ ।
यसैबीच साधारण सभा प्रयोजनका लागि फागुन २८ गतेदेखि चैत १७ गतेसम्म बुक क्लोज गर्ने निर्णय समेत भएको सीईओ श्रेष्ठले जनाएका छन् ।