काठमाडौं। सम्झौता सकिएर पनि व्यवसाय सञ्चालन गरिरहेका पुरानो बसपार्कमा रहेको सिटी मार्केटका पसलहरु काठमाडौं महानगरपालिकाले बन्द गरेको छ । महानगरपालिकाले सम्झौताविना नै व्यवसायीहरुले विगत ८ वर्षदेखि नै महानगरको स्वामित्वको भवनमा बसेको भन्दै पसलहरु बलपूर्वक आज सिल गरेको हो । सटर खाली गर्न एक हप्तामात्रै समय दिएको भन्दै व्यवसायीले विरोध जनाएका थिए । तर, महानगरपालिकाले पटक–पटक महानगरको भवनमा विना सम्झौता नबस्न आग्रह गर्दै आएको बताएको छ । यसअघि महानगरले सो भवन ठेकेदारमार्फत भाडमा दिएको थियो ।