गायक सीताराम पोखरेल सम्मानित भएका छन् । वल्र्ड वाइड मिडिया इन्टरनेसनलद्वारा हालै थाइल्यान्डमा आयोजित अवार्ड कार्यक्रममा उनलाई सो सम्मान प्रदान गरिएको हो । कार्यक्रममा थाइल्यान्डमा प्रसिद्ध पर्यटन व्यवसायी एनोथाई थोङ्थानोम, आयोजक संस्थाका सभापति आरके श्रेष्ठलगायतले पोखरेललाई खादा तथा सम्मान पत्रद्वारा सम्मानित गरेका थिए । नेपाली गीत–सङ्गीतलाई राष्ट्रिय तथा अन्तर्राष्ट्रिय क्षेत्रमा पु¥याउन उल्लेखनीय योगदान पु¥याएका पोखरेलको उक्त योगदानको कदर गर्दै सम्मान गरिएको थियो । विगत तीन दशकदेखि गायनमा सक्रिय पोखरेलका दजनौँ गीत–सङ्गीत दर्शक–श्रोतामाझ लोकप्रिय छन् । उनका गीत–सङ्गीतमा नेपालका कला–संस्कृतिका अलवा नेपालीपन समेत रहने गर्दछ । दुई सयको हाराहारीमा सुमधुर गीतमा आफ्नो आवाज भरिसकेका सीतारामले निरन्तर सङ्गीत साधनामा नै लागेर देश र देशबाहिर चर्चा कमाएका छन् । देश–विदेशबाट सयौँ मान–सम्मान पाएका पोखरेलले राष्ट्रिय गायन सम्मान, राष्ट्रिय नागरिक सेवा सम्मानलगायत थुप्रै राष्ट्रिय तथा अन्तर्राष्ट्रिय सम्मान पाइसकेका छन् ।