काठमाडौं। केही दिन घटेको सुनको मूल्य फेरि बढेको छ। सुनको भाउ अघिल्लो दिनभन्दा तोलामा ३ सय रुपैयाँले वृद्धि भएको हो। नेपाल सुनचाँदी व्यवसायी महासंघका अनुसार सुनको बजार मूल्य प्रतितोला एक लाख १२ हजार ७ सय रुपैयाँ निर्धारण भएको छ।
सोमबार सुन तोलामा एक सय रुपैयाँले घट्दै प्रतितोला एक लाख १२ हजार ४ सय रुपैयाँमा कारोबार भएको थियो। चाँदीको मूल्य तोलामा ५ रुपैयाँले बढेको छ। मंगलबार चाँदी प्रतितोला १४ सय ५० रुपैयाँ कायम छ। सोमबार चाँदी तोलामा १० रुपैयाँले घटेर प्रतितोला १४ सय ४५ रुपैयाँमा आइपुगेको थियो।
अन्तर्राष्ट्रिय बजारमा सुनको मूल्य सामान्य वृद्धि भएको छ। मंगलबार सुन प्रतिऔंस १९६०.८८ अमेरिकी डलरमा कारोबार भइरहेको छ। चाँदी प्रतिऔंस २४.१७ डलर छ। सोमबार सुन प्रतिऔंस १९५८.९६ डलर र चाँदी प्रतिऔंस २४.१५ डलर थियो।