काठमाडौं । सुन लुटपाट गरेको अभियोगमा ३ जनालाई मंगलबार प्रहरीले पक्राउ गरेको छ । पक्राउ पर्नेहरुमा गोरखा गोरखा नगरपालिका-५ घर भएका ३३ वर्षीय प्रदिप राना, धादिङ रुवी भ्याली गाउँपालिका-६ घर भएका ३६ वर्षीय नरमान तामाङ र सोही गाउँपालिका(४ घर भएका २३ वर्षीय बेमान तामाङ रहेका छन् । सोमबार साँझ काठमाडौं महानगरपालिका-१८ नरदेवीमा भारत घर भएका एक पुरुषको करिब ३ तोला बराबरको सुन लुटपाट भएको खबर प्राप्त हुनासाथ महानगरीय प्रहरी वृत्त जनसेवाबाट खटिएको प्रहरीले खोजी गर्ने क्रममा उनीहरुलाई पक्राउ गरेको हो ।  यस सम्बन्धामा प्रहरीले थप अनुसन्धान गरिरहेको छ ।