०८ जेठ,काठमाडौं । नेपाल स्वयंसेवी रक्तदाता समाज २४ वडा नगर समिति, काठमाडौंद्वारा मखँ त्वास्,काठमाडौं महानगरपालिका २४ वडा स्थित स्थानीय मखँ त्वास्मा काठमाडौं महानगरपालिका २४ वडाध्यक्ष बालकृष्ण श्रेष्ठ र महानगरीय प्रहरी वृत्त,जनसेवाका प्रमुख डिलबहादुर मल्लको बिशेष उपस्थितिमा एक रक्तदान कार्यक्रमको आयोजना गरि सम्पन्न भएको छ ।

नेपाल स्वयंसेवी रक्तदाता समाज काठमाडौं महानगरपालिका २४ वडा समितिका अध्यक्ष सुरेश सिलाकारको सभापतित्वमा सञ्चालन सो बिशेष रक्तदान कार्यक्रमका प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यलाई कार्यक्रमका बिशेष अतिथि काठमाडौ महानगरपालिका वडा नं २४ का वडाध्यक्ष बालकृष्ण श्रेष्ठले खादा पहराई अभिनन्दन पत्र प्रदान गरि सार्वजनिक रूपमा अभिनन्दन गरिएको थियो ।

साथै उक्त कार्यक्रमको संयोजनमा अहम् भूमिका निर्वाह गर्नुहुने नेपाल स्वयंसेवी रक्तदाता समाज काठमाडौं महानगरपालिका २० वडा नगर समितिका अध्यक्ष राम रञ्जितलाई पनि खादा पहराई सम्मान गरिएको थियो । उक्त कार्यक्रममा रक्तदान गर्नुहुने स्वयंसेवी रक्तदाताहरूलाई प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यले प्रशंसा पत्र प्रदान गर्नुभएको थियो ।

रगत दिउँ जगत सुरक्षित राखौं बिश्व रक्तदाता दिवस जून १४ को निमित्त बिश्व स्वास्थ्य संगठनबाट तय गरिएको नाराका साथ कार्यक्रममा प्रमुख आतिथ्यता जनाउनु हुने नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यद्वारा १६६ औं पटकको रक्तदान गरि समापन गरिएको सो बिशेष रक्तदान कार्यक्रममा महिला तथा पुरूष गरि जम्मा ४१ जनाले रक्तदान गर्नुभएको थियोे ।