रुपन्देही । देवदह नगरपालिका–१० चरङगे बस्ने २३ वर्षीया माया परियार र सोही ठाउँ डेरा गरी बस्ने गुल्मी रेसुङगा नगरपालिका(१० सिमलचौर घर भएका ३२ वर्षीय चिन्ता बहादुर परियारलाई अवैध लागूऔषध गाँजा करिब ८ सय ग्राम सहित शुक्रबार राति प्रहरीले पक्राउ गरेको छ ।
माया परियारको घरमा लागूऔषध गाँजा विक्री वितरण भइरहेको भन्ने जानकारी प्राप्त हुनासाथ वडा प्रहरी कार्यालय बुटवलबाट खटिएको प्रहरीले उनको घर खानतलासी गर्दा २ वटा बोरामा लुकाइछिपाइ राखेको उक्त परिमाणको लागूऔषध फेला परेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।