काठमाडौं । नेपाल आयल निगमले खाना पकाउने ग्यास, डिजेल, पेट्रोल र मटीतेलको भाउ बढाएको छ । मंगलबार बसेको निगम सञ्चालक समितिको बैठकले मूल्य समायोजन गर्ने निर्णय गरेको हो । एक वर्षपछि निगमले खाना पकाउने एलपी ग्यासको मूल्य पनि बढाएको छ । डिजेल, पेट्रोल र मटितेलमा प्रतिलिटर दुई रुपैयाँका दरले मूल्य बढाईएको छ भने खाना पकाउने ग्यासको प्रतिसिलिन्डर मूल्य २५ रुपैयाले बढेको निगमका प्रवक्ता विनित मणि उपाध्यायले जानकारी दिए ।
बढेको मूल्यअनुसार काठमाडौं उपत्यकामा पेट्रोलको प्रतिलिटर मूल्य ११२, डिजेल तथा मटीतेलको ९५ र खाना पकाउने ग्यासको प्रतिसिलिन्डर मूल्य १४०० सय कायम भएको निगमले जनाएको छ ।