काठमाडौं । पार्टी अध्यक्ष केपी शर्मा ओलीले आफूमाथि गरेको अत्याचारविरुद्ध रुष्ट बनेका माधव कुमार नेपाल आफ्ना पक्षका नेता कार्यकर्तासँग छलफलमा व्यस्त छन् ।
प्रधानमन्त्री केपी शर्मा ओलीले बोलाएको सर्वदलीय बैठकमा सत्तारुढ दल नेपाल कम्युनिस्ट पार्टी नेकपाका वरिष्ठ नेता माधवकुमार नेपाल अनुपस्थित भए ।
बैठकमा नेकपाका तर्फबाट अध्यक्षद्वय ओली र प्रचण्डसँगै वरिष्ठ नेता झलनाथ खनाल, बामदेव गौतम, प्रवक्ता नारायणकाजी श्रेष्ठ, ईश्वर पोखरल, संसदीय दलका उपनेता सुवासचन्द्र नेम्वाङ सहभागी भएपनि वरिष्ठ नेता नेपाल भने अनुपस्थित छन् ।
नेकपा सचिवालय बैठकको निर्णयप्रति असन्तुष्टि जनाएका नेता नेपालले सर्वदलीय बैठकमा पनि सोही असन्तुष्टि पोखेको हुनसक्ने बताइन्छ । नेता नेपालले मंगलबार नै असहमतिको ७ बुँदे पत्र पार्टीमा दर्ता गराएका थिए ।