काठमाडौं । नेपाल राष्ट्र बैंकले बैंकका प्रमुख कार्यकारी अधिकृतहरुलाई छलफलको लागि बोलाएको छ। मौद्रिक नीतिको तयारी गरिरहेको अवस्थामा केन्द्रीय बैंकले बैंकका सिइओहरुसँग छलफल गर्न लागेको हो। राष्ट्र बैंकले आज दिउसो ३ बजेको लागि २७ वटै बैंकका प्रमुख कार्यकारी अधिकृतहरुलाई बोलाएको एक बैंकरले बताए। केन्द्रीय बैंकले मौद्रिक नीति जारी गर्नुअघि बैंकिङ्ग क्षेत्रका विभिन्न विषयमा छलफल गर्न बैंकरहरुलाई बोलाइएको बुझिएको छ। यसअघि केन्द्रीय बैंकले बैंकका अध्यक्षहरुलाई पनि बोलाएर छलफल गरिसकेको छ।