काठमाडौँ । भ्रष्टाचारको लहरोले ठूलो दलको पहरो थर्काएका बेला शीर्ष नेताहरुको भेटघाट बाक्लिएको छ । प्रमुख तीन दलका शीर्ष नेताको बिचमा भेटघाट जारी रहेको छ । प्रधानमन्त्री पुष्पकमल दाहाल प्रचण्ड, प्रमुख प्रतिपक्ष दलका नेता नेकपा एमालेका अध्यक्ष केपी शर्मा ओली र नेपाली कांग्रेसका सभापति शेरबहादुर देउवाबिच भेटघाट जारी छ । सरकारका नीति तथा कार्यक्रम, जेठ १५ गते आउने बजेटसहित नक्कली भुटानी शरणार्थी प्रकरणका बारेमा छलफल हुने बुझिएको छ।