काठमाडौं । काठमाडौंको न्युरोडमा इन्द्रजात्रा हेर्न गएका युवकको छुरा हानी हत्या भएको घटनामा दुई युवतीसहित ४ जना पक्राउ परेका छन् । पक्राउ पर्नेमा काठमाडौं १९ की २० वर्षीया सोनिया श्रेष्ठ खड्गी, ललितपुरको एकान्तकुनाका २२ वर्षीय सन्देश खड्गी, मकवानपुरको हेटौँडाकी १९ वर्षीया भूमी मल्ल र ललितपुरको गोदावरीका १९ वर्षीय अरविन ठकुरी रहेका छन् । ओखलढुंगाको लिखुका १७ वर्षीय सनी कार्कीको सोमबार छुरा प्रहार गरी हत्या भएको थियो । प्रहरीका अनुसार अरविनले छुरा प्रहार गरेका थिए । जात्रामा भोलेन्टियरका रुपमा खटिएका सोनिया र सन्देशले भूमि र अरविनलाई जात्रा हेर्न न्युरोड बोलाएको प्रारम्भिक अनुसन्धानमा खुलेको छ । मदिरा सेवनपछि अरविनको समूह र सनीको समूहबीच विवाद भएको पाइएको छ । सनिको समूहले हाम्रो एरियामा आएर ठुलो कुरा गर्ने भनेपछि विवाद हुँदा ठकुरीले छुरा प्रहार गरेको देखिन्छ । उनलाई युवतीले छुरा दिएको भन्ने छ, अनुसन्धानमा खटिएका एक अधिकारीले भने । सनी क्षेत्रपाटीमा बस्दै आएका थिए । छुरा प्रहारबाट घाइते भएका सनीको उपचारका लागि लैजानेक्रममा मृत्यु भएको थियो ।