काठमाडौं। बुधबार सुनको मूल्य १०० रुपैयाँले घट्दा चाँदीको भाउ भने स्थिर रहेको छ। नेपाल सुन चाँदी व्यवसायी महासंघका अनुसार आज सुनको मूल्य १ लाख ८ हजार ८०० रुपैयाँ कायम भएको छ।
मंगलबार सुन प्रतितोला १ लाख ८ हजार ९०० रुपैयाँमा कारोबार भएको थियो। त्यस्तै, सोमबार १ लाख ८ हजार ६०० रुपैयाँ कायम भएको थियो भने आइतबार १ लाख ७ हजार ६०० रुपैयाँ थियो।
त्यसैगरी, आज चाँदीको मूल्य स्थिर रहेको छ। चाँदी मंगलबार १३४० रुपैयाँमा कारोबार भइरहेको थियो। सोमबार चाँदीको मूल्य १३४५ थियो।
अन्तर्राष्ट्रिय बजारमा मंगलबार प्रतिऔंस १८६१.९८ मा कारोबार भएको सुनको मूल्य आज १८५९.३४ डलर पुगेको छ। चाँदी भने प्रतिऔंस २१.८५ डलरमा कारोबार भइरहेको छ।