काठमाडौं । प्रधानमन्त्री बन्ने पालो कुरेर बसेका बेला रातारात माओवादीले कित्ता परिवर्तन गरेपछि ठूलै भूकम्पको सामना गरेका नेपाली कांग्रेसका सभापति शेरबहादुर देउवा र प्रधानमन्त्री प्रचण्डबीच बालुवाटारमा भेटवार्ता भएको छ। नयाँ गठबन्धन बनेपछि प्रचण्डलाई भेट्न देउवा पहिलोपटक बालुवाटार पुगेका हुन्। भेटमा देउवालाई संसदको गतिरोध अन्त्य गर्न प्रधानमन्त्रीले आग्रह गरेका छन्। प्रधानमन्त्रीको आग्रहमा देउवाले सकारात्मक जवाफ दिएका स्रोतले जनाएको छ। यस्तै संक्रमणकालीन न्यायलाई टुंगो लगाउने विषयमा पनि दुई नेताबचि छलफल भएको प्रधानमन्त्री प्रचण्डका प्रेस सल्लाहकार गोबिन्द आचार्यले जानकारी दिएका छन्।