Bagbazar, Kathmandu, Nepal

Phone : 01-4228625

Fax

Email : tajanepalnews@gmail.com

महिला ट्राफिकलाई महिनावारीमा हुँदा ४ दिन बिदा

काठमाडौँ । उप प्रधान एवं गृहमन्त्री रवि लामिछानेले महिला ट्राफिक प्रहरीलाई महिनावारीका ४ दिन सडकमा ड्युटी नखटाउने घोषणा गर्नुभएको छ । गणतन्त्र दिवसको अवसरमा सामाजिक सञ्जाल म्यासेन्जर मार्फत उहाँले सो घोषणा गर्नुभएको हो । उहाँले लेख्नुभएको छ –अबदेखि महिला ट्राफिक प्रहरीहरूले महिनावारिका ४ दिन सडकमा ड्युटी गर्नु पर्दैन ।

महिला ट्राफिक महिनावारी भएर ड्युटीमा नखटिँदा उनीहरूको साटो मादक पदार्थ सेवन लगायत ट्राफिक नियमको उल्लङ्घन गर्नेहरूले स्वयं सेवकको रूपमा सडकमा सघाउनुपर्ने लामिछानेले घोषणा गर्नुभएको छ । म्यासेन्जरमा उहाँले लेख्नुभएको छ – मापसे लगायत ट्राफिक नियमको उल्लङ्घन गर्नेहरूले स्वयं सेवकका रूपमा उहाँहरूको साटो सडकमा आएर सघाउनुहुनेछ ।