काठमाडौं महानगरपालिकाका मेयर बालेन्द्र साह नगर कार्यपालिकाको बैठक १० असार सम्म रोकेर आज बिहान सवा दुई बजे ब्राजिलतर्फ प्रस्थान गरेका छन् ।

साओ पाउलो शहरमा आयोजित वर्ल्ड एशोसिएशन अफ द मेयर मेट्रोपोलिसिस को मेट्रोपोलिसिस बोर्ड अफ डाइरेक्टर मिटिङ्ग मा सहभागी हुन उनी आज बिहान गएका हुन् ।

सवा दुई बजे कतार एअरवेजको उडान नम्बर क्युआर ६४५ मार्फत गएका उनी असार ८ गते बिहान मात्र स्वदेश फर्किनेछन् । कतार एअरवेजको उडान नम्बर ६५२ मार्फत उनी सो दिन बिहान साढे १० बजे फर्किने कार्यक्रम छ ।