काठमाडौं । विश्वविख्यात पर्वतारोही आङतेम्बा शेर्पा इन्टरनेसनल टेकवाण्डो फेडरेशनबाट सम्मानित भएका छन् । तेक्वान्दो खेलको विकासमा पुर्याएको योगदानको कदर गर्दै ब्ल्याक बेल्ट (दोस्रो डान) बाट सम्मानित गरेको छ । पर्यटन क्षेत्रमा विश्व विख्यात बनेका शेर्पा पछिल्लो समय समाजसेवासँगै विभिन्न क्षेत्रमा सक्रिय हुँदै अघि बढेका छन् । अन्तर्राष्ट्रिय तेक्वान्दो संघ (आइटीएफ) अन्तर्राष्ट्रिय तेक्वान्दो संगठन हो जुन मार्च २२, १९६६ मा दक्षिण कोरियाको सियोलमा चोई होङ हाइद्वारा स्थापना गरिएको हो। कोरियाली मार्शल आर्ट अफ तेक्वान दोको विकास र प्रवर्द्धन गर्नको लागि आइटीएफको स्थापना गरिएको हो।