काठमाडौं । गायक यश कुमार र गायिका स्मिता बोहराको स्वरमा ज्यानमाया बोलको रोमान्टिक गीत युट्युबमा सार्वजनिक भएको छ। शब्द र संगीत यश कुमारको रहेको यो आधुनिक प्रेम गीतका लागि मकवानपुरको चित्लाङमा दृश्यांकन गरिएको छ। स्मिताका यसअघि ३ वटा गीत दर्शक(श्रोतामाझ आइसकेका छन्। अध्ययनले हेल्थ केयर म्यानेजमेन्टमा मास्टर्स गरेकी स्मिताले सानैदेखिको संगीतप्रतिको रूचि र केही फरक गर्ने सोचसहित यो गीत ल्याएको बताएकी छन्। उनी भन्छिन्, ‘नाच्ने गीतभन्दा पनि यो सुन्ने र आनन्द लिने किसिमको गीत हो। अहिले म्युजिक इन्डस्ट्रीमा आइरहेकोभन्दा अलिक फरक किसिमको छ।’ यो गीत युट्युबमा एसटु म्युजिक्स च्यानलमा हेर्न र सुन्न सकिन्छ।