पर्सा । पर्सागढी नगरपालिका ३ झब्राबाट अवैध लागूऔषध गाँजा ८ केजी र ४ लिटर अवैध मदिरा सहित ३ जनालाई आइतबार बिहान प्रहरीले पक्राउ गरेको छ ।
पक्राउ पर्नेहरुमा वीरगंज महानगरपालिका ३१ मिलन चौक बस्ने ४५ वर्षीय समसुदिन मिया अंसारी, सोही ठाउँ बस्ने २० वर्षीय शेष अख्तार मियाँ र धनुषा जनकपुर उपमहानगरपालिका १३ बस्ने ५० वर्षीय जिबछ महतो रहेका छन् ।
विशेष सूचनाको आधारमा जिल्ला प्रहरी कार्यालय पर्सा र अस्थाई प्रहरी पोष्ट बिरुवागुठीबाट संयुक्त रुपमा खटिएको प्रहरीले उनीहरुलाई उक्त परिमाणको लागूऔषध गाँजा र मदिरा सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
उता, मकवानपुर जिल्लाको राक्सिराङ गाउँपालिका १ सानोभाबर बस्ने २२ वर्षीय अर्पण घलानलाई ५ केजी अवैध लागूऔषध गाँजा सहित शनिबार दिउँसो प्रहरीले पक्राउ गरेको छ ।
ईलाका प्रहरी कार्यालय मनहरीबाट खटिएको प्रहरीले मनहरी गाउँपालिका ९ जयसिङस्थित सडकमा ना।२ ह ६०५१ नम्बरको अटो जाँच गर्ने क्रममा चालक घलानलाई उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।