काठमाडौं । आज शुक्रबार थप ९२७ जनामा कोरोना संक्रमण पुष्टि भएको छ । आज थप ९२७ जनामा कोरोना भाइरसको संक्रमण पुष्टि भएसँगै नेपालमा संक्रमितको संख्या ३६ हजार ४ सय ५६ पुगेको छ । पछिल्लो २४ घण्टामा १० हजार २२९ जनाको स्वाब संकलन गरी परीक्षण गरिएको मन्त्रालयले जनाएको छ । हालसम्म २० हजार २४२ जना संक्रमित उपचारपछि निको भएका छन् । हाल सक्रिय संक्रमितको संख्या १६ हजार १९ छ । पछिल्लो २४ घण्टामा थप ८ जनाको मृत्यु भएको छ । योसँगै कोरोनाका कारण मृत्यु हुने नेपालीको संख्या १८३ पुगेको मन्त्रालयले बताएको छ ।