काठमाडौं । नेपाली कांग्रेसले १४ औं महाधिवेशन २०७७ फागुनमा गर्ने निर्णय गरेको छ । शुक्रबार बसेको केन्द्रीय कार्यसमिति बैठकले ०७७ फागुन ७ देखि १० गतेसम्म महाधिवेशन गर्ने निर्णय गरेको प्रवक्ता विश्वप्रकाश शर्माले जानकारी दिए । बैठकले बहुमतका आधारमा कांग्रेसको वर्तमान कार्यसमितिको म्याद एक वर्षका लागि थप गर्ने निर्णय गरेको छ । बैठकले १४ औं महाधिवेशनको कार्यतालिका पनि बनाएको छ । त्यसअनुसार अन्तरिम संरचनाको काम पुस मसान्तभित्र सम्पन्न गर्न निर्वाचन समितिलाई भनेको छ भने माघबाट क्रियाशील सदस्यता वितरण तथा नवीकरण हुनेछ ।

कार्यतालिकाअनुसार नयाँ क्रियाशील सदस्यता र क्रियाशील नवीकरणको नामावलीको अन्तिम सूची तयार गरिसक्नुपर्ने अवधि ०७७ आश्विन मसान्तसम्म तोकिएको छ । त्यसपछि अधिवेशनहरु सुरु हुनेछ । महाधिवेशनको मिति र कार्यतालिका तय गर्ने बैठकमा नेता रामचन्द्र पौडेल र कृष्णप्रसाद सिटौला पक्षका पदाधिकारी तथा सदस्य सहभागी थिएनन्। आगामी जेठ १ गतेदेखि असार १५ गतेसम्म नयाँ र नविकरण गरेका क्रियाशील सदस्यताको सूची प्रकाशन गरेर केन्द्रीय कार्यालयमा पठाउने मिति तय गरिएको छ।
क्रियाशील सदस्यता प्रारम्भिक छानविन समितिमा उजुरी र नविकरण उपर क्रियाशील सदस्यता केन्द्रीय छानविन समितिमा उजुरी दिने अवधि आगामी असार १६ गतेदेखि असार मसान्त तोकिएको प्रवक्ता शर्माले जारी गरेको विज्ञप्तिमा उल्लेख छ।
केन्द्रीय समितिले पार्टीको गाउँरनगर वडा अधिवेशन मंसिर ९ गते गर्ने निर्णय गरेको छ। त्यस्तै गाउँरनगरपालिका अधिवेशन मंसिर ११ गते, प्रदेशसभा क्षेत्रीय अधिवेशन १५ गते, प्रतिनिधिसभा क्षेत्रीय अधिवेशन मंसिर १७ गते गर्ने निर्णय बैठकले गरेको छ।त्यस्तै जिल्ला अधिवेशन मंसिर २५ गते र प्रदेश अधिवेशन २०७७ पुस १५ गते गर्ने कार्यतालिकामा उल्लेख छ।
बैठकले महाधिवेशनको कार्यतालिका कार्यान्वयन गर्न धारा ४, ३५ र ५० का केही व्यवस्था महाधिवेशन प्रयोजनका लागि मात्रै निलम्बन गर्ने निर्णय गरेको छ। पार्टी विधान २०१७ ९संशोधन सहित० को धारा ७१ र ५० ९५० बमोजिमको अधिकार प्रयोग गरेर निलम्बन गर्ने निर्णय गरिएको प्रवक्ता शर्माले बताए। केन्द्रीय कार्यसमितिको यो निर्णयलाई आगामी महासमिति वा महाधिवेशनबाट अनुमोदन गराइनेछ ।