नेपाल विद्युत प्राधिकरण सञ्चालक समितिको बैठक सिंहदरबारस्थित ऊर्जा मन्त्रालयमा सुरु भएको छ । बैठकमा डेडिकेटेड तथा ट्रंक लाइन विवादमा यसअघि काटिएको उद्योगहरुको लाइन जोड्नेसम्बन्धी प्रमुख एजेण्डा रहेको छ ।

तर, बैठकको सुरुमै प्राधिकरणका कार्यकारी निर्देशक कुलमान घिसिङले उद्योगहरुको लाइन जोड्नेबारे फरक मत राखेका छन् । उनले प्राधिकरणले कानुनअनुसार नै बिजुलीको लाइन काटेकाले मन्त्रिपरिषद्को निर्णय कार्यान्वयन गर्न नसकिने बताएका हुन् ।
ऊर्जा मन्त्री दीपक खड्काको अध्यक्षतामा सुरु भएको बैठकमा सञ्चालक समितिका दुई सदस्य भने अनुपस्थित भएको मन्त्रालय निकट स्रोतले जनाएको छ
मन्त्रिपरिषद्को आइतबार बसेको बैठकले काटिएका उद्योगहरुको लाइन सोमबार जोड्ने निर्णय गरेको थियो । सोही निर्णयअनुसार मन्त्रालयमा बैठक बसेपनि कुलमानले असन्तुष्टि जनाएका हुन्