काठमाडौं । रुपन्देहीको तिलोत्तमा नगरपालिका १० कान्छीबजारमा पाँच जनाको कोदालो प्रहारबाट सामूहिक हत्या भएको छ । स्थानीय गंगादेवी पशु फार्मका एक कामदारले त्यहाँ कार्यरत ५ जनालाई गएराति कोदालो प्रहार गरि हत्या गरेको खुलेको जिल्ला प्रहरी कार्यालय रूपन्देहीका एसपी हेमकुमार थापाले जानकारी दिए । हत्या गरिएकामा माधव मुसहर, जानकी मुसहर, कोषराज मुसहर, करन चौधरी र आशिष चौधरी गरि ४ पुरूष र एक महिला रहेको एसपी थापाले जानकारी दिए । मृत्यु हुने २ जना श्रीमान् श्रीमती हुन् । हत्याको आशंकामा सुर्खेतका अन्दाजी ३२ वर्षीय झपेन्द्र सिंह सिंजालीलाई नियन्त्रणमा लिइएको छ । घटनाको थप अनुसन्धान भइरहेको छ ।
पोषराजलाई माधवले धर्मपुत्रको रुपमा पालेको पाइएको छ । घटनामा मृत्यु भएका सबै तिलोत्तमा नगरपालिकाकै हुन् । हत्यामा संग्लन सिँजाली भने सुर्खेका रहेको बुझिएको छ । करण र आशिषबाहेक अन्य तीनजना भैँसीफार्ममा काम गर्दै आएका थिए । करण र आशिष कामदार नभएर फर्ममा बस्न गएका रुपन्देहीका प्रहरी प्रमुख हेम बहादुर थापाले बताएका छन् ।