काठमाडौं । खायो पियो सम्धि…. देखायो गयो जस्तो भएको छ मित्र राष्ट्र चीन र नेपालको सम्बन्ध । सत्ताका मदौरुहरुले चीनले नेपालको विकास, पूर्वाधारमा लिएको ठेक्का समयमा सम्पन्न नगर्ने मात्र होइन नेपालबाट चीन जाने नेपालीका लागि चौवर शुल्क लिन थालेको छ । नेपालले चिनियाँ पर्यटकको आगमन बढोस् भनेर निःशुल्क भिसा दिन्छ । तर छिमेकी चीनले लुट्नसम्म लुट्न थालेको छ ।
परराष्ट्रमन्त्री नारायण खड्कालाई आफ्ना समकक्षी चिनियाँ परराष्ट्रमन्त्रीसँग सिमामा भएको लुटको चासो भएन । चिनसँग राम्रो सम्बन्ध भएको दाबी गर्ने नेकपा माओवादी केन्द्रका अध्यक्ष प्रचण्डलाई समेत यो लुटको चासो भएन । राजनीतिमा पाताल धसिँदै जाँदा विचार र सिद्धान्त खस्कन्छ । माओवादी समेत यस्तो भष्मासुर र लुटाहा पार्टी बन्छ भन्न कसैले सोचेन । हिजो त्यो पार्टीलाई बोलाएर चन्दा दिनेहरु अहिले भागेका छन् । माओवादी मन्त्री लुट्दैछन् भन्ने कुरा विद्युत उत्पादकहरुसँग पिपिए गर्दा प्रतियुनिट २ लाख घुसबाट रु ५ लाख बनाएर हतोत्साहित बनाउनु मात्र होइन, अर्थमन्त्री जनार्दन शर्माको घुस्या चरित्र नै काफी छ । चीनले बुटवल–नारायणगढ सडक खण्ड विस्तारमा देखाएको सुस्तता मात्र होइन कलंकी, बसुन्धारा चक्रपथ सडक सुधार आयोजनाको काममा देखिएको ढिला सुस्तीले चीनले नेपालाई मित्र राष्ट्रको व्यवहार कस्तो गर्दैछ, यिनै व्यवहारले दखाउँछ । चिनिया नागरिक नेपालमा बसेर गर्ने अपराध कति छ कति ? ठमेल क्षेत्र चिनियाँ ठेकेदारहरु माफिया धन्दा चलाउँदैछन्, डलर तस्करी, जडिबुटी तस्करी मात्र होइन लागू औषध जन्य अपराधमा चिनियाँ सहभागी छन् । कुटनीतिक तहमा नेपाललाई रणभूमि बनाउन चाहने भारतीय शसक पक्षका दलाल प्रत्येक दलमा छन् । पाकिस्तानी समूह नक्कली भारु र गाँजा चरेशमा रमाउँछन् भने भारतीय जासुसहरु नेपालको सीमा अतिक्रमण, लागू पदार्थ ओसार पसारमा रमाएकै हुन्छन् ।
काँग्रेसले एमसीसी बोक्यो, चीनले विआरआई प्रोजेक्टभित्र अमेरिकी सहयोग जस्तो अनुदान दिन सकेन । नेपाललाई अमेरिकी क्रिडास्थल बन्न नदिने हो भने चीनको व्यवहार छिमेकी देश नेपालप्रति किन सरल, सहज भएन ? नेपाल चीन अध्ययन केन्द्र खोलेर बसेका चिनियाँ दलालहरुलाई चिनिया काउन्सुलर कार्यालयले नेपालीलाई भिसा दिलाउँदा लिने शुल्कको भारी थाहा छैन भन्ने त्यहाँ गएर किन बुझ्दैनन् ? के छिमेकीले नेपालीमाथि शोषण गर्ने कामलाई ठूलो बहादुरी ठानेको हो ? कम्युनिष्टका नाउका कलंक नेकपा एमाले र माओवादीका लम्पटदास नेतृत्वको वैदेशिक दृष्टिकोणले यसरी नै लुट चक्रपथको जात्रा बुटवल नारायणगढ सडकको सुस्तताप्रति खोई चासो ?