काठमाडौं । हिमालयन बैंकले ३ अर्ब रुपैयाँ बराबरको ऋणपत्र निष्काशन गर्ने तयारी गरेको छ । उक्त रकमको ऋणपत्र आगामी असारभित्रै निष्काशन गर्ने तयारी भइरहेको बैंकले जानकारी दिएको छ ।

ऋणपत्र निष्काशनको लागि धितोपत्र बोर्डमा निवेदन दिइसकेको र आगामी हप्ताभित्र अनुमति पाउने बैंकको अपेक्षा छ ।

बैंकका प्रमुख कार्यकारी अधिकृत अशोक राणाले धितो बोर्डबाट अनुमति पाएलगतै राष्ट्र बैंकबाट अनुमति लिएर ऋणपत्र जारी गरिने बताए ।

हिमालय बैंकले १० प्रतिशत ब्याजदरमा ‘हिमालय बैंक २०८३’ नामक ऋणपत्र निष्काशन गर्न लागेको हो । बैंकको चुक्ता पुँजी ८ अर्ब ११ करोड ५० लाख रुपैयाँ रहेको छ ।