कैलाली । राष्ट्रिय स्वतन्त्र पार्टी रास्वपाले आज धनगढीमा चुनावी कार्यक्रम गर्ने भएको छ । रास्वपा सभापति रवि लामिछाने र वरिष्ठ नेता बालेन्द्र शाहले कार्यक्रममा सम्बोधन गर्ने जनाइएको छ । यसअघि जनकपुरमा रास्वपाले पहिलो प्रदेशस्तरीय कार्यक्रम गरेको थियो । रास्वपा सुदूरपश्चिम प्रदेश सभापति प्रकाश विष्टका अनुसार चुनावी सभाको लागि लामिछाने हिजै धनगढी आइसकेका छन् भने शाह आज आउँदैछन् । ११ बजेदेखि चुनावी सभा सुरु हुने सभापति विष्टले जानकारी दिए । धनगढीको चुनावी सभालाई सम्बोधन गरेर फागुन ७ गते सुर्खेतमा चुनावी कार्यक्रम गर्न लागिएको रास्वपाले जनाएको छ ।