काठमाडौँ । पूर्वसचिव अर्जुन कुमार कार्कीकी श्रीमती मुना कार्कीको हत्या भएको छ । कार्कीको उपचारकाे क्रममा निधन भएकाे हाे । कार्कीसँगै कामदार आफ्नै घरमा मृत फेला परेका छन् । कार्कीकी श्रीमती मुना कार्कीको शव घरको भान्सा कोठामा रगतले लतपतिएको अवस्थामा फेला परेको हो भने कामदार रहेका दाङका विजय चौधरीको शव झुण्डिएको अवस्थामा फेला परेको छ । उनले भने आत्महत्या गरेको हुनसक्ने प्रहरीको प्रारम्भिक अनुमान रहेको छ । पूर्व सचिव कार्कीले बिहान पशुपतिनाथ मन्दिर गएर फर्किँदा दुवैको शव फेला परेको बताएका छन् । कार्कीका एक छोरा र दुई छोरी रहेका छन् । दुवै छोरी बाहिर रहेका छन् भने १२ वर्षका छोरा स्कूलमा अध्ययनरत छन् । घटनाको समय छोरा पनि स्कूल गएको र उनलाई पुर्याउन अर्की कामदार किशोरी पनि घरबाहिर रहेकी थिइन् ।