काठमाडौं। ओलीको जालमा परेर शान्ति प्रक्रियामा आए पनि सबै सम्झौता कार्यान्वयन नभएपछि असन्तुष्ट बनेका नेकपा विप्लवका अध्यक्ष नेत्रविक्रम चन्द बृहत कम्युनिष्ट एकताको अभियानमा लागेका छन् । नेकपाका महासचिव नेत्रविक्रम चन्द ‘विप्लव’ले नेकपा (एमाले) का वरिष्ठ नेता माधव कुमार नेपाललाई भेटेका छन् । नेता नेपालको कोटेश्वरस्थित् निवासमा पुगेर महासचिव विप्लवले आज भेटवार्ता गरेका हुन् । हिजोमात्रै विप्लवले नेकपा माओवादी केन्द्रका अध्यक्ष पुष्पकमल दाहाललाई भेटेका थिए । दुवै भेटमा नेता चन्दले बृहत कम्युनिष्ट एकतामा जोड दिएका थिए । नेता नेपालसँग समसामयिक राजनीतिक विषयमा कुराकानी भएको बताईएको छ । यसको अलवा विप्लवले यसअघिको सरकारसँग भएको तीन बुँदे सहमति कार्यान्वयनमा पहल गरिदिनसमेत नेता नेपाललाई आग्रह गरेको बुझिएको छ ।