काठमाडौं। सनराइज बैंकले ताप्लेजुङ स्थित फुङलिङमा नयाँ शाखा संचालनमा ल्याएको छ। बैंकले १ सय २९ औं शाखाका रुपमा फुङलिङ शाखाबाट कारोबार सुरु गरेको हो। फुङलिङ नगरपालिकाका मेयर क्षत्रपती प्याकुरेल र प्रमुख जिल्ला अधिकारी डोरेन्द्र निरौलाले संयुक्त रुपमा शाखा उद्घाटन गरेको बैंकले जारी गरेको बिज्ञप्तीमा उल्लेख छ। उद्घाटनपछि मेयर प्याकुरेलले बैंकिङ्ग प्रणालीमा सबैको पहुँच पुर्याउन बैंकिङ्ग प्रक्रियालाई सरल र सहज बनाउन आवश्यक रहेको बताए। प्रमुख जिल्ला अधिकारी निरौलाले कृषि क्षेत्रलाई बैंकले सधै प्राथमिकतामा राख्दै आएको र आर्थिक विकासलाई अझै प्रभावकारी बनाउन थप लगानी गर्नुपर्ने आवश्यता रहेको धारणा राखेका थिए। हालसम्म सनराइज बैंकले १२९ वटा शाखा, ४० वटा शाखारहित बैंकिङ्ग सेवा, ८ वटा एक्सटेन्सन काउण्टर र १४९ वटा एटिएम मार्फत सेवा दिइरहेको जनाएको छ।