सेयर बजार २ हजार बिन्दुनजिक, तीन घण्टामा ३८ अंकले वृद्धि, करिब ३ अर्बको कारोबार

सेयर बजार २ हजार बिन्दुनजिक, तीन घण्टामा ३८ अंकले वृद्धि, करिब ३ अर्बको कारोबार

काठमाडौं। सेयर बजार परिसूचक मंगलबार उकालो लागेको छ। बजार खुलेको पहिलो १० मिनेटमा ६ अंकले घटेको नेप्से त्यसपछि निरन्तर उकालो लागेको हो।

अपराह्‍न २ बज्दासम्म नेप्से ३८ अंकले बढेको छ। राष्ट्र बैंकले नीतिगत दरहरु कम गरेको प्रभावस्वरुप वाणिज्य बैंकले ब्याजदर घटाउन थालेपछि सेयर बजार बढेको हो। नेप्से २ हजार विन्दु नजिक पुगेको छ।

तीन घण्टामा २ अर्ब ९१ करोड रुपैयाँको सेयर किनबेच भएको छ।

मौद्रिक नीतिमा लचकताका कारण आइतबार १११ अंकको छलाङ मारेको नेप्सेमा सोमबार भने १५ अंकको करेक्सन भएको थियो।