फिल्म ‘छक्का पन्जा ५’को छायांकन ५१ दिनमा सकिएको छ । फिल्मका निर्माता, लेखक तथा कलाकार दीपकराज गिरीले काठमाडौंमा फिल्मको प्याकअप भएको जानकारी दिए । उनका अनुसार, अब एउटा गीतको छायांकन हुन बाँकी छ । फिल्मको छायांकन काभ्रे, सिन्धुली, पोखरा र काठमाडौंमा गरियो । यो फिल्मको काम निकै राम्रो भएको दीपकको भनाई छ । असोजको २४ गते फूलपातिबाट रिलिजमा आउने यो फिल्ममा दीपकराजको साथमा केदार घिमिरे, वर्षा सिवाकोटी मुख्य भूमिकामा छन् । यसपटक निर्माणपक्षले फिल्मको छायांकनको क्रममा धेरै हल्ला गरेन । फिल्मका अन्य कलाकारहरूको बारेमा पनि केही जानकारी दिइएको छैन । निर्मल शर्मा कार्यकारी निर्माता रहेको फिल्मले सामाजिक कथालाई कमेडीको शैलीबाट भन्छ । दीपाश्री निरौलाको निर्देशनमा तयार भएको फिल्मलाई आमा सरस्वती मुभिज र आइएमईको प्रस्तुतिमा निर्माण गरिएको हो ।