काठमाडौं । प्रहरीको खोजी सूचिमा रहेका ललितपुरको कुमारीपाटीमा रहेको गुडविल बचत तथा ऋण सहकारी संस्थाका अध्यक्ष दिवाकार श्रेष्ठ पक्राउ परेका छन्। प्रहरीले उनलाई चितवनबाट पक्राउ गरी ललितपुर ल्याएको महानगरीय प्रहरी परिसर ललितपुरले जनाएको छ। गुडविल सहकारीबाट लिएको ऋण तिर्न नसकेपछि उनी फरार भएका थिए। प्रहरीका अनुसार उनी १५–१६ दिनदेखि फरार थिए। उनी दिनमै दुई–तीन ठाउँ फेर्दै लुकिरहेका थिए। हिजो चितवनबाट पक्राउ गर्‍यौं, ललितपुर प्रहरीले बताएको छ । उनीमाथि थप अनुसन्धान गर्न प्रहरीले जिल्ला अदालत ललितपुरमा म्याद थप गर्न लगिएको छ।