काठमाडौं। उपप्रधानमन्त्री तथा गृहमन्त्री नारायणकाजी श्रेष्ठ बिरामी परेपछि गंगालाल हृदयरोग केन्द्रमा भर्ना गरिएको छ। उनलाई छातीमा असहज महसुस भएपछि मंगलबार राति गंगालाल हृदयरोग केन्द्रमा भर्ना गरिएको हो। उनको सचिवालयले जनाए अनुसार मन्त्री श्रेष्ठको गएराति नै एन्जियोग्राम गरी देब्रे नसाको एन्टेरियर डिसेन्डिङ कोरोनरी आर्टरी गरिएको छ। गृहमन्त्री श्रेष्ठको स्वास्थ्य अवस्था स्थिर रहेको उनको उपचारमा संलग्न चिकित्सकहरूले बताएका छन्। उनलाई डा अरुण मास्केसहितको चिकित्सक टोलीले सघन उपचार कक्षमा राखेर उपचार थालेको गृह मन्त्रालयले जनाएको छ। यसअघि गत असोज ३० देखि कात्तिक १ गतेसम्म चीनको भ्रमणमा रहेका बेला मन्त्री श्रेष्ठ अचानक मुटुको समस्याबाट पीडित भएपछि त्यहाँ उनको उपचार गएिको थियो।