काठमाडौँ — सोमबार तीन वटा ग्रामी अवार्ड जित्नेबित्तिकै र्‍यापर किलर माइक गिरफ्तारीमा परेका छन् । उनलाई दुर्व्यवहार गरेको आरोपमा लस एन्जलस एरिनाबाटै गिरफ्तार गरिएको हो । पक्राउ परेको केही बेरमा यसै महिना अदालतमा उपस्थित हुने सर्तमा उनलाई रिहा गरिएको थियो ।

एरिनामा ग्रामी अवार्ड भइरहेका बेला मञ्चपछाडि उनले हातपात गरेको बीबीसीले जनाएको छ । सामाजिक सञ्जालमा पोस्ट गर्दै लस एन्जलस प्रहरीले माइकल रेन्डर किलर माइकको वास्तविक नामलाई दुर्व्यवहारको आरोपमा पक्राउ गरेको जानकारी दिएको थियो ।
गिरफ्तारीको ठीक अगाडि किलर माइकले ग्रामी विजेताका रूपमा उत्सव मनाइरहेका थिए । उनको साइन्टिस्ट्स एन्ड इन्जिनियर्सु गीतले उत्कृष्ट र्‍याप गीत र उत्कृष्ट र्‍याप प्रदर्शनको अवार्ड जित्यो । त्यस्तै उनकै माइकलु ले उत्कृष्ट र्‍याप एल्बमको अवार्ड जित्न सफल भयो ।

सोमबार प्रतिष्ठित सांगीतिक अवार्ड ग्रामी लस एन्जलसमा आयोजना भएको थियो । यस वर्ष टेलर स्विफ्टको मिडनाइट्सु ले वर्षको उत्कृष्ट एल्बमको अवार्ड जित्यो । त्यस्तै माइली साइरसको फ्लावरु ले वर्षको उत्कृष्ट रेकर्डको अवार्ड पायो । त्यस्तै बिली आइलिसको ह्वाट आई वाज मेड फरु ले वर्षको उत्कृष्ट गीतको अवार्ड जित्यो । उत्कृष्ट पप एकल प्रदर्शनीमा माइली साइरसकै फ्लावर ले अवार्ड हात पार्‍यो