काठमाडौं। सुनको मूल्य घट्न थालेको छ। अघिल्लो दिनका तुलनामा तोलामा ५ सय घट्दा शुक्रबारका लागि कारोबार मूल्य प्रतितोला १ लाख २ हजार ५ सय रुपैयाँ निर्धारण भएको नेपाल सुनचाँदी व्यवसायि महासंघले जानकारी दिएको छ।
बिहीवार तोलामा ६ सय रुपैयाँले घट्दा प्रतितोला १ लाख ३ हजार रुपैयाँमा कारोबार भएको थियो। केही दिनअघि क्रमिक बढ्दै प्रतितोला १ लाख ७ हजार रुपैयाँसम्म पुगेको सुन फागुन लागेयता मूल्य घट्न थालेको छ।
चाँदी पनि शुक्रवार घटेको छ। १० रुपैयाँ घट्दा चाँदी प्रतितोला १२ सय ७५ रुपैयाँ भएको छ। अघिल्लो दिनका तुलनामा ५ रुपैयाँ घट्दा बिहीबार प्रतितोला १२ सय ८५ रुपैयाँमा कारोबार भएको थियो।
अन्तर्राष्ट्रिय बजारमा शुक्रवार सुन प्रतिऔंस १८२५.७७ डलरमा कारोबार भइरहेको छ। चाँदी प्रतिऔंस २१.४५ डलर छ।