बलिउड उद्योगमा यस्ता धेरै स्टार छन् जसले आफ्नो जीवनमा धेरै हिट फिल्म दिएका छन् । उनीहरू बेला बेलामा भारतीय नागरिकता नभएका कारण पनि विवादमा आउने गरेका छन् । जब यी भारतीय स्टार कलाकारलाई भारत सरकारले उत्कृष्ट कलाकारका रूपमा राष्ट्रिय पुरस्कार प्रदान गर्छ ।

त्यति बेला उनीहरू भारतीय नभएको भन्दै पुरस्कारको विरोध हुने गरेको छ । यी कलाकारको नागरिकता’bout बेला बेलामा बलिउडमा विवाद उठ्ने गरेको छ । तथापि, उनीहरूले विदेशी नागरिकता त्यागेर भारतीय नागरिकता लिएका छैनन् । उनीहरू पासपोर्टमा अतिथिका रूपमा भिसा लगाएर भारतमा बस्दै फिल्ममा काम गरिरहेका छन् । भारतीय नागरिकता नभएर पनि बलिउड उद्योगमा जमेका सेलिब्रेटीमा अक्षय कुमार पनि एक हुन् ।

यो कुरा सायदै कमैलाई थाहा होला कि बलिउड अभिनेता अक्षय कुमारदेखि अभिनेत्री आलिया भट्टसम्मले भारतीय नागरिकता लिएका छैनन् । तर, पनि उनीहरू भारतीय भएर बलिउडमा छाएका छन् ।

अक्षय कुमारले हिन्दी सिनेमामा धेरै हिट फिल्महरू दिएका छन् र यति मात्र होइन, उनले धेरै देशभक्ति फिल्म पनि गरेका छन् । तर, जहिले पनि अक्षय कुमारको कुरा आउँछ, उनको भारतीय नागरिकतामा प्रश्न उठ्ने गर्छ । वास्तवमा लामो सयमदेखि क्यानाडा बसेका अक्षय कुमारले भारत छोडेर क्यानाडाको नागरिकता लिएका थिए । अब कानुनअनुसार अभिनेतालाई न त भारतको नागरिक मानिन्छ न त उनलाई यहाँ भोट गर्ने अधिकार छ । उनी पर्यटकका रूपमा भारतमा बसेर बलिउड फिल्ममा काम गर्दै छन् ।

यस्तै, आलिया भट्टले छोटो समयमै बलिउडमा राम्रो स्थान कमाएकी छन् । तर, उनकी आमा सोनी राजदान मूलरूपमा बेलायतकी हुन् । जसका कारण आलिया भट्टलाई इंग्ल्यान्डको नागरिक पनि मानिन्छ । किनकि आलिया भट्ट र उनकी आमा सोनीसँग इंग्ल्यान्डको नागरिकता छ । आलियासँग भारतीय नागरिकता छैन । उनीसँग बेलायतकै नागरिकता र पासपोर्ट छ । उनी भारतमा पर्यटकका रूपमा बस्ने गरेकी छन् । उनले बलिउडमा काम गर्न रोजगार भिसा लिएकी छन् । किनकि उनले बेलायतको नागरिकता त्यागेकी छैनन् ।

कट्रिना कैफलाई बलिउडकी सफल अभिनेत्री मानिन्छ । तर, उनीसँग भारतीय नागरिकता छैन । हङकङमा जन्मेकी उनी बेलायती नागरिक हुन् । उनले भारतीय नागरिकता लिएकी छैनन् । यी अभिनेत्रीले भारतमा रोजगार भिसामा बस्न अनुमति पाएकी छन् ।

अभिनेता इमरान खानले बलिउडमा धेरै हिट फिल्म दिएका छन् । उनलाई आमिर खानको भतिजा भनेर पनि चिनिन्छ । उनीसँग भारतको नागरिकता पनि छैन । उनले पनि युरोपियन मुलुकको नागरिकता लिएका छन् । तर, २०१४ मा उनले भारत सरकारसँग आफूलाई भारतीय नागरिक बनाउन आग्रह गर्दा सरकारले भारतीय अभिनेताको यो अपील स्वीकार गरेन । त्यसपछिबाट उनले रोजगारी भिसामै भारतमा फिल्म खेल्दै आएका छन् ।

बलिउडमा रोजगारी भिसामै फिल्म खेल्दै आएकी अर्की अभिनेत्री ज्याकलिन फर्नान्डिस हुन् । उनी श्रीलंकाको नागरिक हुन् । उनी आजकाल बलिउडमा निकै लोकप्रिय छिन् । ज्याकलिनका बुबा श्रीलंका र आमा मलेसियाकी हुन् । ज्याकलिन सन् २०१६ मा मिस युनिभर्सका लागि श्रीलंकाको प्रतिनिधित्व गर्दै थिइन् । त्यसपछि बलिउड छिरेकी उनले रोजगारी भिसा लिएर पर्यटकका रूपमा काम गर्दै आएकी छन् ।

यस्तै, अभिनेत्री दीपिका पादुकोण आजकाल बलिउडमा निकै व्यस्त छिन् । रणवीर सिंहसँग विवाह गरेपछि झनै चर्चामा आएकी छिन् तर उनीसँग पनि भारतीय नागरिकता छैन । दीपिकाको जन्म डेनमार्कमा भएको थियो र त्यसपछि उनले सोही देशको नागरिकता लिइन् ।