काठमाडौं । प्रधानमन्त्री प्रचण्डसँग सभापति शेरबहादुर देउवासहित प्रमुख प्रतिपक्षी दल का‌ग्रेसका नेताहरू अहिले छलफल गरिरहेका छन्। प्रधानमन्त्रीको सरकारी निवास बालुवाटारमा उनीहरूबीच आधा घण्टा शनिबार बिहान ९ बजेदेखि छलफल भइरहेको बालुवाटार स्रोतले जानकारी दिएको छ। अवरुद्ध सदन खुलाउने प्रयासअनुरूप प्रधानमन्त्री प्रचण्डले प्रमुख प्रतिपक्षी दल नेपाली कांग्रेससँग केही दिनदेखि संवाद जारी राखेका छन्। उपप्रधानमन्त्री तथा गृहमन्त्री रवि लामिछानेको संलग्नतासमेत अनुसन्धान हुने गरी सहकारीको रकम अपचलन छानबिन गर्न संसदीय समिति गठनको माग गर्दै कांग्रेसले संसद् बैठकमा निरन्तर अवरोध गरिरहेको छ। केही दिनदेखि उसले गृहमन्त्री लामिछानेलाई सदनमा जवाफ दिनसमेत दिइरहेको छैन।