Bagbazar, Kathmandu, Nepal

Phone : 01-4228625

Fax

Email : tajanepalnews@gmail.com

भुवनको कमब्याक

काठमाडौं । अभिनेता भुवन केसीले करिब तीन वर्षपछि फिल्म ‘जेरी अन टप’बाट अभिनयमा कमब्याक गर्ने भएका छन् । यो फिल्मका लागि निर्माणपक्षले भुवनलाई आइतबार अनुबन्धित गरेको हो । निर्देशक सुयोग गुरुङले निर्देशन गर्ने यो फिल्ममा नायक अनमोल केसी मुख्य भूमिकामा छन् । फिल्ममा अनमोल र भुवनको भूमिका बाबुछोराकै रहने निर्माणपक्षले जनाएको छ । त्यस्तै, यो फिल्ममा विपना थापा अनमोलको आमाको भूमिकामा देखिनेछिन् । भुवन र विपनाले सन् २००६ मा प्रदर्शन भएको फिल्म ‘मानिस’मा एकसाथ काम गरेका थिए भने अहिले ‘जेरी अन टप’ मा जोडीको रुपमा एकसाथ देखिन लागेका हुन् । केही दिनदेखी यी दुई फिल्मको वर्कशपमा देखिदै आएका छन् । अनन्या फिल्म्स र भण्डारी मल्टी ट्रेडको ब्यानरमा निर्माण हुने यो फिल्मको आज सोमबारबाट ललितपुरको बंगलामुखी मन्दिरमा पूजाआजा गरेर छायांकन सुरु गरिनेछ । ५० दिनको छायांकन तालिका राखिएको यो फिल्मको काठमाडौं, लुक्ला र भारतको लद्दाखमा छायांकन गरिनेछ । फिल्ममा अनमोल केसी, जसिता गुरुङ, आँचल शर्मा, भुवन केसी, विपना थापा, केदार घिमिरे ‘माग्ने बूढा’, लगायतका कलाकारहरुको अभिनय रहनेछ।


सम्बन्धित समाचार

बिदा भए गभर्नर अधिकारी

२०८१ चैत्र २३

ताजा नेपाल

रवि लामिछानेलाई रुपन्देही लगियो

२०८१ चैत्र २३

ताजा नेपाल