काठमाडौं । इजरायल र प्यालेस्टाइनबीच शनिबारदेखि युद्ध जारी छ। बलिउड अभिनेत्री नुसरत भरुचा दुई देशबीच जारी युद्धका बीच इजरायलमा फसेकी छिन् । इजरायलमा फसेकी नुसरत भरुचासँग सम्पर्क भएको छ । अभिनेत्री भने सकुशल छिन् । उनी इजरायलबाट बाहिरिन एयरपोर्ट क्षेत्रमा पुगेकी छिन् । नायिका चाँडै नै इजरायलबाट उडान भरेर स्वदेश फर्किने छिन् । नुसरत भरुचाको टोलीले भन्यो–अन्ततः हामीले नुसरत भरुचालाई सम्पर्क गरेका छौं । दूतावासको सहयोगमा उनलाई सकुशल भारत ल्याइँदैछ । उनी सकुशल र भारत फर्किनेछिन् । नुसरत भरुचा हाइफा इन्टरनेशनल फिल्म फेस्टिभलको हिस्सा बन्न इजरायल गएकी थिइन् । तर यसैबीच त्यहाँ युद्ध भयो र नुसरत त्यहाँ फसिन् । यसबारे अभिनेत्रीको टोलीले जानकारी दिएको छ । जानकारी दिँदै उनको टोलीले अभिनेत्री बेसमेन्टमा रहेको र सुरक्षित रहेको बताएको थियो । तर लगत्तै उनको र उनको टोलीको सम्पर्क टुटेको थियो। उनको टोलीले भनेको थियो–हामीले सम्पर्क गर्न सकेका छैनौँ । हामी नुसरतलाई सकुशल भारत फर्काउने प्रयास गरिरहेका छौं र आशा छ कि उनी स्वस्थ र सुरक्षित फर्कनेछिन्। अब पछिल्लो जानकारी अनुसार नुसरत सकुशल विमानस्थल पुगेकी छिन् । चाँडै उनी युद्ध क्षेत्रबाट बाहिर निस्कन उडानमा चढ्नेछिन्।