काठमाडौं । पर्यटन वर्ष २०२० शुरु हुन केही समय बाँकी छ । सरकारद्वारा गठित मुल आयोजक समितिको क्रियाकलाप शून्य छ । जुनसुकै देशको हिमशिखर आरोहिलाई सम्मान गर्ने र उत्साह जगाउने काम सम्बन्धित देशका सरकारहरुले गर्नु स्वाभाविक हो । नेपालमा पर्यटन क्षेत्र हेर्ने मन्त्रालय छ, विभाग छ । त्यो पेशासँग सम्बन्धित ट्रेकिङ एजेन्सीहरु छन् । तर उनीहरु कहाँ छन्, के गर्दैछन् ? पत्तो छैन । यही बेला सशस्त्र प्रहरी बलले देशको इज्जत राख्ने एक कुशल पर्वतारोहीलाई सम्मान गरेर आङ्खनो सामाजिक उत्तरदायित्वलाई बहन गर्न सफल भएको छ ।
सर्वोच्च शिखर सगरमाथासहित विश्वमा रहेका आठ हजार मिटर भन्दा बढि उचाईका १४ वटा हिमालमध्ये ११ वटा हिमालहरुको तीन महिनाभित्र सफल आरोहण गरिसकेका निर्मल पुर्जा ‘निम्स’लाई सशस्त्र प्रहरी बल, नेपालले सम्मान गरेको हो । सशस्त्र प्रहरी महानिरीक्षक शैलेन्द्र खनालले बुधबार सशस्त्र प्रहरी बल, नेपाल प्रधान कार्यालयमा आयोजित विशेष समारोहमा उहाँलाई दोसल्ला ओढाई सम्मान गर्नुभयो ।
हिमाल आरोही निम्सले सात महिनाभित्र उल्लेखित १४ वटै हिमालहरुको सफल आरोहण गर्ने लक्ष्य लिएकोमा अब बाँकी रहेका तीन वटा हिमालहरुको आरोहण पुरा गर्ने लक्ष्य रहेको तथा आफु पूर्व ब्रिटिस गोर्खा सैनिक भएको कुरा उक्त विशेष समारोहमा जानकारी गराएका थिए । सशस्त्र प्रहरी महानिरीक्षक शैलेन्द्र खनालले त्यसअवसरमा हिमाल आरोहणको क्षेत्रबाट देशको नाम विश्वमा फैलाउन सफल रहेको भन्दै हिमाल आरोही निम्सको साहस तथा लगन र योगदानको मुग्दकण्ठले प्रशंसा गर्नुभयो ।
हिमालको सफल आरोहण कै कारण उहाँ विश्वमा निम्सको नामले चिनिएको प्रसंग उल्लेख गर्नुहुँदै सशस्त्र प्रहरी महानिरीक्षक खनालले नेपालको गौरवशाली इतिहास र परम्परालाई अगाडी बढाउन उहाँ सफल रहेको चर्चा गर्नुभयो । हामीले सशस्त्र प्रहरी बलमा सेवारत रहेकोमा गर्व गर्ने गरेको स्मरण गर्नुहुँदै उहाँले दायित्व निर्वाहका क्रममा सेवा तथा सुरक्षा र सहयोग पु¥याउने मात्र नभई जोखिमपुर्ण स्थानहरुमा आपत विपद्मा उद्वार कार्यको लागि साहस चाहिने बताउदै त्यो साहस हिमाल आरोही निम्सबाट सिक्न सकिने उल्लेख गर्नुभयो ।
सशस्त्र प्रहरी महानिरीक्षक खनालले मान्छेहरुले आफ्नो तथा आफ्ना लागि सोच्ने गरेको तर निम्सले आफ्नो घर समेत विक्रि गरेर हिमाल आरोहण थालेको बताउनुभयो । ‘उहाँले त्यो के का लागि गर्नुभयो त ? निश्चय नै देशका लागि हो’ भन्नुहुँदै सशस्त्र प्रहरी महानिरीक्षक खनालले नेपाल र नेपालीको नाम विश्वमा फैलाउन उहाँले गरेको योगदान वास्तवमै सराहनिय रहेको उल्लेख गर्नुभयो । कुनै पनि काम मन देखि नै सकारात्मक सोचकासाथ गरिएमा असम्भव केही पनि छैन भन्नुुहँुँदै उहाँले आत्मालाई हरेश खान नदिएर लक्ष्यमा जुट्नु पर्ने र यसबाट जहिले पनि सफलता प्राप्त गर्न सघाउ पुग्ने बताउनुभयो ।
छोटो समयमा उहाँले गरेको योगदान सराहनीय रहेको तथा ईतिहास रच्ने यात्रामा उहाँको प्रयास सम्मानजनक रहेको बताउनुहँुदै सशस्त्र प्रहरी महानिरीक्षक खनालले हिमाल आरोही निम्सको संकल्प र साहसको सबैले कदर गर्नुपर्ने चर्चा गर्नुभयो । ‘गर्न सक्छु भन्ने आत्मविश्वासकासाथ काम सुरुवात गरेमा कुनै पनि कुरा असम्भव छैन’ सशस्त्र प्रहरी महानिरीक्षक खनालले भन्नुभयो– ‘प्रयास गरेमा विफल हुँदैन, त्यो कुरा हिमाल आरोही निम्सबाट सिक्न सकिन्छ ।’ उहाँले सशस्त्र प्रहरी बलले राष्ट्र र जनताको खातीर योगदान पु¥याएको उल्लेख गर्दै विपद्का अवस्थाहरुमा जोखिम मोलेर सशस्त्र प्रहरी कर्मचारीले गरेको उद्वार कार्यको सबै तीरबाट प्रशंसा भएको कुरा समेत उल्लेख गर्नुभयो ।
विश्व किर्तिमानी हिमाल आरोही निर्मल पुर्जा ‘निम्स’ले उक्त विशेष समारोहमा विभिन्न हिमाल चढ्दाको आफ्नो गर्विलो अनुभव सुनाउनुभयो । हिमाल आरोहणका कुरा गर्दा भावनात्मक रुपमा के भयो र के–के त्याग गरियो भन्ने कुरा आफ्नो स्मरणमा रहेको उल्लेख गर्दै उहाँले आफुले आफ्ना लागि नभई नेपाल र नेपालीको गौरवको लागि उक्त प्रयास गरेको बताउनुभयो । उहाँले भन्नुभयो– ‘नेपाली भन्दा गर्व लाग्छ ।’
‘गर्व र खुशी छु’ हिमाल आरोही निम्सले भन्नुभयो– ‘सशस्त्र प्रहरी बलले निमन्त्रणा गरेर आफ्नो कामको सराहना गरि आफुलाई सम्मान गरेर थप हौसला प्रदान गर्दै उत्प्रेरणा दिएकोमा यस संगठनप्रति आभारी छु ।’ म्याग्दी जिल्लामा जन्मनु भएका मेम्बर अफ ब्रिटिस इम्पायर (एम बी ई)बाट सुशोभित पूर्व ब्रिटिस गोर्खा सैनिक निर्मल पुर्जा ‘निम्स’ले आफु रोयल नेभीमा स्पेशल फोर्समा समेत कार्यरत रहेको विगत सो समारोहमा बताउनुभयो । हिमाल आरोहणका लागि उक्त जागिर परित्याग गर्दै १२ दिनमा आठ हजार मिटर भन्दा अग्ला पाँचवटा हिमालहरुको सफल आरोहण गर्नुभएको अनुभव उहाँसंग छ । उहाँले दुई दिन ३० मिनेटमा सगरमाथा, लोत्से र मकालु हिमालको सफल आरोहण गर्दै पुरानो गिनीज बुक अफ दी वल्र्ड रेकर्डमा रहेको ५ दिन ३ घण्टा ३५ मिनेटको पुरानो रेकर्ड तोड्न सफल भएको कुरा त्यसअवसरमा जानकारी गराउनुभयो ।