काठमाडौँ । सिंगापुरमा हालै सम्पन्न छैठौ अन्तराष्ट्रिय गोल्डेन ब्राण्ड अवार्ड २०१९ मा ४ नेपाली सम्मानित भएका छन् । ३० राष्ट्रका बिभिन्न २५ बिधामा नेमिनिज ४ सय पुरुष सहभागी अवार्डमा नेपालका कोरियोग्राफर आस्विनी कान्त झा र पेजेण्ट निर्देशक निशु कान्त झा सम्मानित भएका छन् । सिंगापुरको आर्किड कन्ट्री क्लबमा आयोजित कार्यक्रममा आस्विनी र निशुलाई सौदर्य प्रतियोगिता र मोडलिङमा पुर्याएको योगदानको आधारमा यो अवार्ड प्रदान गरिएको थियो ।
आस्विनी र निशुलाई उक्त अवार्ड कार्यक्रममका प्रमुख अतिथि इन्डोनेसियाका राजा अरिया पकु आलम अल हजले प्रदान गरेका थिए । त्यस्तै २० देशबाट करिव २५० महिला सहभागी अर्को अवार्ड लेडी अफ एक्सिलेन्स अवार्ड २०१९ ब्यबासयी तथा मोडल एलिजा महर्जन र डान्स कोरियोग्राफर सावित्री खत्री हात पारेका छन् ।